Canu Plygain ar dwf yng Nghymru

Diweddarwyd  

Rhiannon Ifans a Trefor Puw o Geredigion yn canu mewn gwasanaeth garolau Plygain.

Llun: trwy law Rhiannon Ifans

Mae dau arbenigwr ar y canu Plygain yn ffyddiog am ddyfodol y traddodiad yng Nghymru wrth i’r arfer gynyddu mewn rhannau newydd o Gymru, gan gynnwys Llanbed.

“Yn sicr, mae yna fwy a mwy o ddiddordeb ar hyd a lled Cymru yn y canu Plygain,” meddai Arfon Gwilym.

“Yn ôl ar ddechrau’r 1970au doedd neb y tu allan i’r canolbarth yn ymwybodol o’r traddodiad mewn gwirionedd,” meddai gan nodi mai Sir Drefaldwyn yw “cadarnle’r traddodiad” o hyd.

Ond erbyn hyn mae gwasanaethau Plygain yn ailgodi ym mhob cwr o Gymru.

‘Seiliau cadarn’

Un arall sy’n arbenigo ar y traddodiad yw Rhiannon Ifans o ardal Aberystwyth sy’n canu deuawd â Trefor Puw o Drefenter, Ceredigion.

Mae’n esbonio fod pobol yn canu mewn partïon teuluol gan amlaf gyda phob parti’n canu eu detholiad eu hunain o garolau.

“Dydy’r un garol ddim yn cael ei chanu fwy nag unwaith mewn gwasanaeth plygain,” meddai gan esbonio y bydd tua deuddeg parti yn canu mewn dau gylch yn ystod gwasanaeth arferol.

“Flynyddoedd mawr yn ôl roedd y Plygain yn rhan o wasanaethau’r eglwys drwy Gymru ond mi gafodd y traddodiad ei gadw yn Sir Drefaldwyn,” meddai.

Mae’n cydnabod fod twf wedi bod yn ddiweddar yn nifer y gwasanaethau gan nodi eu bod nhw’n “ailsefydlu ar seiliau cadarn.”

Dyma glip sain o Arfon Gwilym yn canu’r garol ‘Teg Wawriodd’ yn rhan o driawd gyda’i wraig Sioned Webb a Stephen Rees ym Mhlygain Rhos y Gad, Llanfair Pwyllgwyngyll ym Môn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd