Trystan Llŷr yn plethu canu a chwaraeon yn un

 

Trystan Llyr Griffiths

LLun oddi ar ei sianel YouTube

Dau beth sy’n agos at galon Trystan Llŷr Griffiths o Sir Benfro yw canu a chwaraeon, ac mae lle i uno’r ddau, meddai.

Mae’r tenor sy’n wreiddiol o Glunderwen newydd arwyddo cytundeb â label recordio Decca gan ddilyn yn ôl traed cantorion gan gynnwys Bryn Terfel a Katherine Jenkins.

A thros y penwythnos, mi gafodd y cyfle i ganu yn Stadiwm y Principality cyn gêm Cymru yn erbyn De Affrig.

“Dw i’n credu bod chwaraeon a cherddoriaeth yn mynd un yn un gyda’i gilydd,” meddai.

“Dw i’n credu ei fod e, mewn ffordd, yn uno’r gynulleidfa â’r chwaraewyr.”

Y corau a’r eisteddfodau…

Mae Trystan Llŷr Griffiths yn ychwanegu nad oedd wedi dychmygu dilyn gyrfa yn ganwr proffesiynol am mai gwaith coed a rygbi oedd yn mynd â’i fryd yn yr ysgol uwchradd, ac arferai chwarae’n flaenwr i glwb Hendy-gwyn ar Daf a chlwb rygbi Crymych.

Ond mae traddodiad yr eisteddfodau a’r corau yn gyfle i “bob un gael cyfle i ganu a chystadlu”, meddai.

Mae’n cydnabod cyfraniad ei deulu a’i athrawon canu wnaeth ei annog i astudio yn Academi Gerddoriaeth Frenhinol Llundain, Coleg Cerdd a Drama Brenhinol Caerdydd ynghyd â hyfforddi yn Stiwdio Opera Genedlaethol Llundain.

Mae hefyd wedi ennill gwobrau Osborne Roberts a Towyn Roberts yn yr Eisteddfod Genedlaethol, ac mi fydd yn rhyddhau ei albwm gyntaf gyda Decca y flwyddyn nesaf.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd