Mae enwau 34 o enillwyr gwobr gerddorol Gorwelion BBC Cymru a Chyngor Celfyddydau Cymru wedi’u cyhoeddi.

Fe fyddan nhw i gyd yn derbyn £2,000 yr un o’r Gronfa Lawnsio i ddatblygu eu gyrfaoedd a’u gwaith.

Cafodd yr enillwyr eu dewis gan arbenigwyr o’r diwydiant cerddoriaeth, ac fe ddaeth 175 o geisiadau i law eleni. Roedd yn agored i artistiaid a bandiau yng Nghymru sy’n ysgrifennu, cynhyrchu a pherfformio cerddoriaeth boblogaidd gyfoes wreiddiol.

Ers eu sefydlu yn 2014, mae Gorwelion a’r Gronfa Lawnsio wedi dyfarnu arian i fwy na 135 o artistiaid o bob cwr o Gymru.

Enillwyr eleni

– Adwaith, Caerfyrddin, offer ac ymgyrch cysylltiadau cyhoeddus ar gyfer albwm

– Beth Celyn, Caernarfon, piano llwyfan newydd

– Buzzard, Caerdydd, ymgyrch cysylltiadau cyhoeddus digidol

– Cally Rhodes, Ceredigion, recordio gyda Rich James yn stiwdio Ferlas ym Mhenrhyndeudraeth

– Campfire Social, Llangollen, recordio yn Stiwdio Orange Sound, Penmaenmawr

– Codewalkers, Caerdydd, ymgyrch cysylltiadau cyhoeddus gyda Lost Agency

– Dan Bettridge, Pen-y-bont ar Ogwr, ymgyrch cysylltiadau cyhoeddus ar gyfer albwm cyntaf ac ymddangosiadau

– E.T.L.B, Sir y Fflint, amp gitâr a phedal dolen ar gyfer perfformiadau byw

– Eadyth, Merthyr Tudful, offer newydd, meddalwedd a rhyddhau albwm

– Esther, Caerdydd, fideo cerddoriaeth

– Farm Hand, Powys, fideo cerddoriaeth gyda Mark James

– Gallops, Wrecsam, offer i greu delweddau gweledol mewn perfformiadau byw

– Gravves, Glannau Dyfrdwy, fideos ac ymgyrch cysylltiadau cyhoeddus

– Greta Isaac, y Bont-faen, ymgyrchoedd cysylltiadau cyhoeddus ar-lein a radio, a chymysgu albwm

– Griff Lynch, Gwynedd, amser stiwdio ar gyfer ail albwm

– HMS Morris, Caerdydd, ymgyrch cysylltiadau cyhoeddus ar gyfer ail albwm

– Joel Avaient, y Barri, ymgyrch cysylltiadau cyhoeddus gyda Lost Agency

– Junior Bill, Caerdydd, dau fideo cerddoriaeth

– Lemfreck, Casnewydd, casgliad o fideos cerddoriaeth

– Mace, Caerdydd, hysbysebu a fideo cerddoriaeth

– Names, Sir Gaerfyrddin, amser stiwdio yn StudiOwz, Hwlffordd a gwneud fideo cerddoriaeth

– Nia Wyn, Conwy, sengl i’w recordio yn stiwdio Paul Weller a fideo cerddoriaeth, ac ymgyrch cysylltiadau cyhoeddus

– NoNameDisciple, Caerdydd, recordio EP

– Omaloma, Conwy, recordio a chymysgu albwm yn Stiwdio Glanllyn

– Public Order, Merthyr Tudful, lle ymarfer, recordio, llunio traciau meistr a dosbarthu

– Rainbow Maniac, Caerdydd, recordio a llunio traciau meistr, ac ymgyrch cysylltiadau cyhoeddus

– Regime, Sir Benfro, recordio cyngerdd yn Neuadd y Frenhines, Arberth, yn fyw

– Reuel Elijah, Caerdydd, gwneud fideo cerddoriaeth

– Seazoo, Wrecsam, recordio ail albwm yn Stiwdio Big Jelly yn Ramsgate a llunio traciau meistr yn Stiwidio Hafod yn y Bont-faen

– Serol Serol, Conwy, allweddellau a chas caled

– Siddi, Gwynedd, recordio albwm yn Stiwdio Drwm

– Sonny Double 1, Caerdydd, fideo cerddoriaeth, gwasgu a dosbarthu albwm

– We’re No Heroes, Caerdydd, sengl newydd – recordio yn StiwdiOwz, cymysgu yn Rat Trap a thraciau meistr yn Stiwdio Hafod

– Written In Kings, Pen-y-bont ar Ogwr, recordio dwy sengl gyda Romesh Dodangoda, ynghyd â chymysgu a thraciau meistr