RSS

Golwg360

MwyCau 

‘Ragsy’ yn dysgu iaith y nefoedd

Gorffennaf 5, 2017 12:12 Diweddarwyd Gorffennaf 6, 2017 07:39


Gary Ryland ar raglen The Voice y llynedd (Llun cyhoeddusrwydd)
Mae’r canwr o Aberdâr, ‘Ragsy’, a ddaeth i amlygrwydd yn y gyfres deledu The Voice, wedi dechrau dysgu Cymraeg ar gwrs haf ym Mhrifysgol Caerdydd.

Cafodd Gary Ryland ei fentora gan Syr Tom Jones fel cystadleuydd yn ail gyfres y rhaglen deledu boblogaidd ar y BBC.

Mae cwrs haf Prifysgol Caerdydd yn cynnig gwersi dwys dros yr haf i ddysgwyr lefel mynediad, canolradd ac uwch, yn ogystal â gloywi iaith i bobol sydd wedi dysgu yn y gorffennol ac sy’n dymuno ail-gydio yn yr iaith.

Cwrs i ddechreuwyr fydd Ragsy yn ei ddilyn.

Balchder… ond cywilydd

“Rwy’n edrych ymlaen at ddysgu’r iaith brydferth hon yng nghwmni pobol eraill frwd o’r un anian, er mwyn helpu i gyflawni fy uchelgais personol a gallu sgwrsio’n llawn yn fy mamiaith,” meddai’r canwr.

“Bob tro bydda i’n clywed rhywun yn siarad Cymraeg, bydda i’n teimlo balchder aruthrol mai ni sydd berchen ar yr iaith hardd, rythmig, chwilfrydig hon, sydd bron yn hudol.

“Mae hynny bob amser wedi cael ei ddilyn yn fuan gan ymdeimlad o gywilydd oherwydd nad wyf innau, er fy mod i’n Gymro balch, yn gallu deall na siarad iaith fy mamwlad”.

Mae e wedi cymharu’r profiad o ddysgu Cymraeg gyda pherfformio ar lwyfan – ond mae’n poeni am wneud camgymeriadau.

“Rydych chi bob amser ar binnau wrth gychwyn ar anturiaethau newydd ac mae ofn bob amser y byddwch chi’n gwneud rhywbeth yn anghywir,” meddai,

Fe recordiodd Ragsy ei gân Gymraeg gyntaf, ‘Fy hafan i’, y llynedd gyda chymorth cyflwynydd Radio Cymru, Tommo a’r cynhyrchydd Terwyn Davies. Cafodd y gân ei chyhoeddi ar Ddydd Gŵyl Dewi.

Mae e’n awyddus i ganu mwy yn Gymraeg, ac mae’n dweud mai ei hoff eiriau Cymraeg yw ‘awyddus’, ‘bendigedig’, ‘cwtsh’ a ‘cariad’.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.