RSS

Golwg360

MwyCau 

FIDEO: Cadi Gwyn Edwards yn cipio tlws Cân i Gymru

Mawrth 12, 2017 10:07 Diweddarwyd am 11:42


Cadi Gwyn Edwards (Llun: Cân i Gymru)
Disgybl chweched dosbarth yn Ysgol Dyffryn Conwy ddaeth i’r brig yng nghystadlaeuaeth Cân i Gymru 2017 neithiwr.

Cafodd Cadi Gwyn Edwards o Lanrwst ei hysbrydoli i ysgrifennu Rhydd ar ei ffôn ar ôl ymweld ag Ynys Llanddwyn.

Canodd hi ei chân ei hun – y mae hi’n ei disgrifio fel cân am “unigrwydd person sydd eisiau torri’n rhydd oherwydd caethiwed” – ar noson y gystadleuaeth yng Nghaerdydd.

Mae hi’n ennill tlws Cân i Gymru a £5,000, yn ogystal â chael cynrychioli Cymru yn yr Ŵyl Ban Geltaidd.

Cafodd yr enillydd ei ddewis drwy bleidlais y cyhoedd yn unig eleni, gyda Pryder gan Sophie Jayne Marsh yn cipio’r ail wobr (£2,000) a Fy Nghariad Olaf gan Richard Vaughan ac Andy Park yn ennill £1,000am ddod yn drydydd.

Dywedodd Cadi Gwyn Edwards: “Dwi wedi bod yn breuddwydio am gystadlu yng nghystadleuaeth Cân i Gymru er yr oeddwn i‘n 12 oed, ond roedd yn rhaid imi aros tan oeddwn yn 17 oed i gystadlu a gwireddu’r freuddwyd honno.”

Ychwanegodd Comisiynydd Cynnwys Adloniant S4C, Elen Rhys: “Mae wedi bod yn noson wych i gerddoriaeth wreiddiol, Gymraeg.

“Llongyfarchiadau i bob un o’r cyfansoddwyr a cherddorion fu’n rhan o noson Cân i Gymru 2017, ac yn enwedig i’r enillydd Cadi Wyn Edwards.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.