RSS

Golwg360

MwyCau 

Marw cerddor medrus

Ionawr 2, 2017 08:25


Fe fydd angladd un o gerddorion bandiau pres gorau Cymru yn cael ei gynnal ym Mangor ddydd Sadwrn.

Mae teyrngedau wedi eu talu i Eilir Williams y cornetydd a fu farw Noswyl Nadolig yn 40 oed ar ôl colli ei frwydr gyda chlefyd MS.

Yn ystod y 90au, roedd yn rhan o un o fandiau gorau’r byd wrth i’r YBS Band ennill gwobrau trwy wledydd Prydain ac Ewrop.

Yn ôl gwasanaeth newyddion byd y bandiau, 4barsrest, fe fu Eilir Williams farw yng nghartre’ teulu ei wraig yn Nhreorci.

O Ddeiniolen

Roedd wedi ei fagu yn Neiniolen ac wedi bod yn aelod o fandiau Deiniolen, Gwynedd a Chymru cyn symud i astudio i Brifysgol Salford er mwyn cael y cyfle o chwarae i un o’r bandiau gorau.

Mae 4barsrest yn dyfynnu brawd Eilir Williams, Dylan, yn sôn am ei hoffter o deithiau tramor band yr YBS ac am ei hiwmor miniog.

Fe fydd y gwasanaeth i ddathlu ei fywyd yn Amlosgfa Bangor.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.