RSS

Golwg360

MwyCau 

Côr Glanaethwy i gofio Aberfan yn Efrog Newydd

Tachwedd 18, 2016 10:54


Côr Glanaethwy ar Britain's Got Talent
Mae un o gorau Cymru wedi cael gwahoddiad i berfformio mewn cyngerdd yn Efrog Newydd fydd yn nodi hanner canrif ers trychineb Aberfan yn 1966.

Bydd Côr Glanaethwy yn rhan o gyngerdd yn y flwyddyn newydd sy’n cyflwyno gwaith Karl Jenkins, ‘Cantata Memoria’.

Mae’n rhan o gyfres o gyngherddau rhyngwladol Efrog Newydd a bydd y perfformiad yn Neuadd Carnegie ar Ionawr 15.

Yn ôl Iris Derek a Jonathan Griffith, sylfaenwyr y cyngherddau rhyngwladol DCINY, “mae’n fraint aruthrol i DCINY allu dod â Chôr Glanaethwy yma i ganu yn nangosiad Gogledd America o ‘Cantata Memoria’ Syr Karl.

“Rydym yn credu’n gryf yng ngallu cerddoriaeth i wella’r rhai sy’n dioddef, ac ni allwn feddwl am waith mwy teimladwy i arddangos y gred honno.”

‘Cantata Memoria’

Cyfansoddodd Karl Jenkins ‘Cantata Memoria’ ar gomisiwn i S4C, ac fe gafodd ei berfformio yng Nghaerdydd yn ystod yr Hydref.

Mae’n ddarn sy’n deyrnged i’r 116 o blant a 28 o oedolion fu farw yn y trychineb ar 21 Hydref 1966.

Yn ôl Karl Jenkins, mae hefyd yn “ddathliad o blentyndod, yn symud yn raddol o’r tywyllwch i’r goleuni”.

Ac wrth berfformio yn y gyngerdd yn Efrog Newydd, mae Côr Glanaethwy wedi penderfynu cyflwyno eu perfformiad nhw i aelod o’u fu farw ym mis Hydref eleni, sef Olwen Davies.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.