RSS

Golwg360

MwyCau 

Lleoliadau hanesyddol yng Ngwynedd a Chonwy ar agor i’r cyhoedd

Awst 29, 2017 12:00


Castell Penrhyn (Llun: Cyngor Gwynedd)
Bydd dros 60 o leoliadau yng Ngwynedd a Chonwy – gan gynnwys adeiladau hanesyddol a gerddi -yn agor eu drysau i’r cyhoedd mis nesaf.

Bydd y lleoliadau ar agor fel rhan o gynllun ‘Drysau Agored’ corff CADW, a’r nod yw dathlu treftadaeth bensaernïol Cymru.

Ymysg y lleoliadau fydd yn agor eu drysau bydd Eglwys y Santes Fair, Caernarfon; Plas Glyn y Weddw, Llanbedrog;  ac Amgueddfa Lloyd George yn Llanystumdwy.

Hefyd, eleni mae’r rhaglen yn cynnwys safleoedd sy’n gysylltiedig â’r cais am statws Safle Treftadaeth y Byd i ardaloedd llechi Cymru.

Mae’r safleoedd yma yn cynnwys Castell Penrhyn ym Mangor, Amgueddfa Forwrol Porthmadog ac Ysbyty’r Chwarel yn Llanberis.

“Canfod y gorau”

“Mae Drysau Agored yn gyfle gwych i ganfod y gorau sydd gan ein dwy sir i’w gynnig mewn treftadaeth bensaernïol,” meddai’r Cynghorydd ar Gyngor Gwynedd, Ioan Thomas.

“O eglwysi hanesyddol ac amgueddfeydd i erddi a chestyll, mae rhywbeth at ddant pawb. Mae’r rhaglen yn cynnig diwrnod allan gwych i’r teulu cyfan, ac wir yn dangos y cyfraniad mae ein treftadaeth yn ei wneud i’r profiad ymwelwyr yng Ngwynedd a Chonwy.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.