RSS

Golwg360

MwyCau 

Cwpan chwâl yn ennill

Chwefror 15, 2017 11:37 Diweddarwyd am 11:45


Y ddau feirniad a'r gwaith celf (llun cyhoeddusrwydd)
Mae artist o sir Gaerfyrddin wedi’i gwobrwyo am greu celf sy’n ymdrin ag iechyd meddwl wrth lunio cyfres o bedwar cwpan cerameg, gydag un ohonyn nhw wedi torri.

Bwriad Lindy Martin o Lansteffan oedd cyfleu bod o leiaf un ymhob pedwar o bobol y Deyrnas Unedig yn dioddef o gyflwr iechyd meddwl rywbryd yn eu bywydau.

Hi hefyd yw’r artist cyntaf erioed i ennill y wobr newydd hon sydd wedi’i sefydlu er cof am brif seiciatrydd Ysbyty Dewi Sant Caerfyrdd9in yn yr 1970au a’r 1980au, sef Dr Huw Bevan Jones.

Bu Huw Bevan Jones hefyd ynghlwm â sefydlu’r elusen Arts Celf Gofal Celf yn 1987 am ei fod yn credu y gallai pobol sy’n dioddef o broblemau iechyd meddwl elwa o gydweithio ag artistiaid.

‘Straeon personol’

Mae Lindy Martin yn cipio gwobr o £1,000, plac i gofio’r diweddar Huw Bevan Jones a’r cyfle I gynnal arddangosfa unigol yn Oriel Bevan Jones yng Nghaerfyrddin rhwng mis Chwefror ac Ebrill 2018.

“Roeddem wrth ein boddau gyda’r ymateb i’r wobr gelf gyntaf er cof am fy niweddar dad, Dr Huw Bevan Jones, ac roeddem i gyd wedi’n cyffwrdd gan y straeon personol ac emosiynol y tu ôl i’r cofnodion,” meddai Rhys Bevan Jones, seiciatrydd sydd hefyd yn arbenigo ar gelf a iechyd meddwl.

Y beirniaid eraill oedd cyflwynydd sioe celfyddydau BBC Radio Wales, Nicola Heywood Thomas, a’r ceramegydd Peter Bodenham a ddewisodd waith Lindy Martin o blith 60 ymgais.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.