Artist addawol yn creu tlws Llyfr y Flwyddyn

 

Gwobr Barn y Bobl, Llyfr y Flwyddyn 2015 wedi greu gan Ffion Roberts-Drakley

Un o raddedigion Celf a Dylunio Prifysgol Cymru y Drindod Dewi Sant, Ffion Roberts-Drakley, sydd wedi creu tlws Gwobr Barn y Bobl ar gyfer seremoni Llyfr y Flwyddyn eleni.

Bydd y wobr yn cael ei chyflwyno i awdur y llyfr sydd wedi’i ddewis gan ddarllenwyr Golwg360 yn dilyn pleidlais gyhoeddus ar y wefan, a hynny heno yn seremoni Llyfr y Flwyddyn yng Nghaernarfon.

Ffion Roberts-Drakley ydy’r artist ifanc diweddaraf o adran gelf y Brifysgol i gael cyfle i greu’r wobr gan barhau a’r berthynas rhwng Golwg360 a Phrifysgol Cymru y Drindod Dewi Sant.

Mae’r wobr yn adlewyrchu’r thema ganolog yng ngwaith Ffion sef Y Seld neu’r Ddresel Gymreig.

Meithrin talent

“Rydan ni’n falch iawn i gydweithio unwaith eto gydag Adran Gelf Prifysgol Cymru y Drindod Dewi Sant i roi cyfle i fyfyriwr addawol greu gwobr Barn y Bobl eleni,” meddai Prif Weithredwr Golwg360, Owain Schiavone.

“Rydan ni wedi bod yn cynnal pleidlais Barn y Bobl Llyfr y Flwyddyn ar Golwg360 ers 2010, ac rydan ni’n falch iawn i gydweithio â Llenyddiaeth Cymru i wneud hynny.”

“Ffion ydy’r pumed myfyriwr o’r adran yng Nghaerfyrddin i greu’r wobr, ac rydan ni’n ddiolchgar eto i’r Brifysgol am feithrin talent mor arbennig – mae’r wobr yn werth ei gweld unwaith eto eleni, a dwi’n siŵr bydd yr enillydd yn ei drysori.”

Unwaith eto eleni pleidleisiodd cannoedd o bobol dros wobr Barn y Bobl ar Golwg360 ac fe fydd yr enillydd yn cael ei ddatgelu yn y seremoni yn y Galeri heno.



Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd