Mwy nag erioed wedi ymweld ag amgueddfeydd Cymru y llynedd

 

Llun: Amgueddfa Cymru

Fe wnaeth mwy o bobol nag erioed ymweld ag amgueddfeydd Cymru yn 2018-19, yn ôl ffigurau sydd newydd eu cyhoeddi.

Daeth bron i 1.9m o ymwelwyr i un o saith amgueddfa’r wlad yn ystod y cyfnod rhwng Ebrill 2018 a Mawrth 2019.

Mae hynny’n gynnydd 6.5% o’i gymharu â’r flwyddyn gynt – a’r nifer fwyaf mewn 112 o flynyddoedd.

Cafodd y ffigurau eu cyhoeddi yn ystod sesiwn i lansio adolygiad blynyddol Amgueddfa Cymru yn adeilad y Pierhead yng Nghaerdydd heddiw (dydd Mercher, Hydref 23).

Mae lle i gredu bod ail-ddatblygu Sain Ffagan Amgueddfa Werin Cymru, ac ennill gwobr Amgueddfa’r Flwyddyn 2019 y Gronfa Gelf, wedi cyfrannu at y niferoedd.

Datblygu model newydd

“Dros y blynyddoedd diwethaf, rydyn ni wedi bod yn datblygu model newydd hynod ar gyfer amgueddfeydd,” meddai Roger Lewis, Llywydd Amgueddfa Cymru.

“Ein hamcan yw galluogi cynifer o bobol â phosib i fwynhau ac ymgysylltu â’n hamgueddfeydd ar draws Gymru. Cynhwysiant cymdeithasol a democratiaeth ddiwylliannol yw craidd ein gwaith.

“Mae projectau fel gweddnewid Sain Ffagan ac arddangosfa Kizuna: Japan | Cymru | Dylunio hefyd yn dangos fod amgueddfeydd cenedlaethol Cymru o bwys ar lwyfan ryngwladol.

“Rydym yn credu’n gryf bod Amgueddfa Cymru yn ganolog i fywyd yng Nghymru. Ein nod dros y 10 mlynedd a mwy nesaf yw datblygu’r sefydliad fwy fyth, gan ei droi yn gorff sy’n berthnasol i bobol Cymru ac yn ysbrydoli cynulleidfaoedd o weddill y Deyrnas Unedig a’r byd.”

Celf Weledol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn