Heddiw yw diwrnod dathlu’r Wyddeleg ar y we

Diweddarwyd am  

Llun: CC0

Mae’r iaith Wyddeleg yn cael ei dathlu ar y we heddiw (dydd Mercher, Mawrth 6), a hithau’n un o’r cant o ieithoedd sy’n cael eu defnyddio fwyaf ar-lein.

Mae nifer yr adnoddau sydd ar gael i siaradwyr yr iaith yn tyfu’n gyson, gyda mwy o adnoddau ar gael erbyn hyn i helpu pobol i’w dysgu.

Fe fydd digwyddiad arbennig, Lá na Meán Sóisialta, yn cael ei gynnal yn Nulyn a bydd cannoedd o bobol yn troi at y we i drydar am yr achlysur gan ddefnyddio’r hashnod #LNMS19.

Fel rhan o’r digwyddiad, fe fydd nifer o siaradwyr yr iaith, gan gynnwys y pêl-droediwr Michael Darragh MacAuley, yr arbenigwraig dechnolegol Helen McHugh ac Oisín Ó Duinn o gwmni Duolingo yn siarad am dwf a datblygiad yr iaith ar y we.

Bydd digwyddiadau yn cael eu cynnal hyd at Fawrth 17.

‘Croeso i’r Wyddeleg’

“Mae croeso i’r iaith Wyddeleg yma ac ar draws y ddinas,” meddai Nial Ring, Arglwydd Faer Dulyn.

“Mae’n fenter gwych i gyflwyno an Ghaeilge (yr iaith Wyddeleg) i’r gymuned ehangach, ac mae’n croesawu siaradwyr o bob lefel.

“Mae Lá na Meán Sóisialta yn dangos bod yr iaith yn ffynnu, nid yn unig yma yn Iwerddon ond ar draws y byd hefyd, ymhlith dysgwyr a siaradwyr ar-ein; sgyrsiau sy’n aml yn troi’n gymunedau go iawn hefyd.

“Mae’n dangos bod yr iaith yn sicr yn fyw, yn arloesi ac yn addasu.”

Y llynedd, cafodd 3,000 o ddigwyddiadau eu cynnal fel rhan o’r dathliadau ac mae’r trefnwyr yn gobeithio mynd y tu hwnt i’r nifer hwnnw eleni.

Celfyddydau

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018