Arddangosfa am gyfraniad merched i ffotograffiaeth

 
Marilyn Monroe

Llun Eve Arnold o Marilyn Monroe yn paratoi i ffilmio gyda Clarke Gable yn Nevada.

Llun gan Amgueddfa Genedlaethol Caerdydd

Bydd arddangosfa newydd blwyddyn o hyd yn agor yn Amgueddfa Genedlaethol Caerdydd fory [5 Mai], sy’n edrych ar rôl merched mewn ffotograffiaeth – y tu ôl ac o flaen y lens.

Mae oriel Merched a Ffotograffiaeth yn dod â gwaith ffotograffwyr benywaidd ynghyd, o’r arloeswyr cynnar Mary Dillwyn, y ffotograffydd benywaidd cyntaf o Gymru a’i nith Thereza Mary Llewelyn.

Bydd hefyd yn edrych ar waith tynwyr lluniau cyfoes fel Chloe Dewe Mathews, Bieke Depoorter a Clémentine Schneidermann.

Bydd dwy ran i’r arddangosfa – Merched a Ffotograffiaeth: Tu ôl i’r Lens, fydd yn rhedeg rhwng 5 Mai a 11 Tachwedd, a Merched a Ffotograffiaeth: O flaen y Lens, fydd yn digwydd rhwng 1 Rhagfyr a 9 Mehefin 2019.

Yn ogystal ag agweddau eraill, mae disgwyl i’r ail ran edrych ar y ffordd mae ffotograffiaeth wedi camddarlunio merched, drwy eu troi’n wrthrychau.

Mae’r arddangosfa wedi’i threfnu i gyd-fynd â chanmlwyddiant rhoi’r bleidlais i fenywod dros 30 oed am y tro cyntaf.

Gwaith menywod “heb dderbyn yr un gefnogaeth”

“Bu merched yn arbrofi ac yn arloesi gyda ffotograffiaeth ers i’r cyfrwng gael ei ddyfeisio ym 1839,” meddai Janice Lane o Amgueddfa Cymru.

“Yn hanesyddol, fodd bynnag, nid yw eu gwaith wedi derbyn yr un gefnogaeth, sylw a dealltwriaeth â gwaith dynion.

“Yn unol â’i draddodiad o ffeirio printiau, mae Merched a Ffotograffiaeth: Tu ôl i’r Lens yn cynnwys nifer o luniau y mae David Hurn wedi’u rhoi i’r Amgueddfa yn ddiweddar.

“Mae ei gasgliad wedi cael effaith sylweddol ar nifer yr artistiaid benywaidd gaiff eu cynrychioli yn y casgliadau ffotograffig, ac rydym yn ddiolchgar iawn iddo am ei rodd arbennig.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd