RSS

Golwg360

MwyCau 

Gig a gwobr arbennig i Geraint Jarman

Ionawr 11, 2017 21:00 Diweddarwyd Ionawr 12, 2017 08:36


Geraint Jarman (Llun: Emyr Young)
Fe fydd Geraint Jarman yn perfformio mewn gig acwstig arbennig yn Neuadd Pantycelyn fis nesa’ – ar y penwythnos y bydd yn derbyn gwobr arbennig am ei gyfraniad i’r sîn roc Gymraeg.

Fe fydd y canwr o Gaerdydd yn derbyn gwobr ‘Cyfraniad Arbennig’ Gwobrau’r Selar ar Chwefror 17. Dyma’r ail waith i’r wobr gael ei chyflwyno, yn dilyn cydnabod Datblygu y llynedd.  

“Roedd dewis ennill y wobr Cyfraniad Arbennig yn weddol rhwydd eleni gan bod 2016 yn nodi 40 mlynedd ers i Geraint Jarman ryddhau ei albwm cyntaf,” meddai trefnydd Gwobrau’r Selar, Owain Schiavone.

“Does dim amheuaeth bod cyfraniad Jarman i’r sin gerddoriaeth yng Nghymru yn un enfawr, ac mae’r cyfraniad yn ymestyn i’w bumed degawd bellach gyda rhyddhau’r ardderchog Tawel yw’r Tymor ar label Ankst.”

“Mae’r albwm diweddaraf yn wahanol i’w waith blaenorol, ac yn acwstig ei naws, a bydd y gig ym Mhantycelyn yn adlewyrchu hynny, er bydd cyfle i glywed ambell glasur o’i ôl-gatalog hefyd. Mae amser maith ers i Geraint berfformio yn Aberystwyth, a bydd y gig yn un arbennig iawn.”

Cefnogaeth

Bydd The Gentle Good, sef prosiect cerddorol Gareth Bonello sydd wedi cydweithio llawer gyda Geraint Jarman yn ddiweddar gan gynnwys ar yr albwm diweddaraf, yn cefnogi ar y noson.

Bydd Geraint Jarman hefyd yn cymryd rhan mewn sgwrs arbennig am ei yrfa yn Aberystwyth fel rhan o weithgareddau ymylol dydd Sadwrn y Gwobrau.

I gyd-fynd â’r cyhoeddiad hwn, bydd dydd Iau, Ionawr 12, yn ‘Ddiwrnod Jarman’ ar Radio Cymru, gyda sylw arbennig i’r cerddor trwy gydol y dydd.  Mae Sain hefyd yn cynnig gostyngiad o 25% ar gasgliad bocs-set Jarman ar eu gwefan am y diwrnod.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.