RSS

Golwg360

MwyCau 

Prinder milfeddygon yn sgîl Brexit?

Gorffennaf 21, 2017 10:05 Diweddarwyd am 18:25


Yr wythnos hon mae cylchgrawn Golwg wedi datgelu pryderon y bydd prinder milfeddygon yng Nghymru yn sgîl Brexit.

“Mae cyflenwad y milfeddygon sy’n graddio bob blwyddyn yng ngwledydd Prydain yn annigonol a does dim digon i’w cael i lenwi’r swyddi i gyd,” meddai Ifan Lloyd sy’n bartner mewn cwmni yn Abertawe sy’n cyflogi 70 o weithwyr mewn chwech syrjeri.

A’r rhybudd yw y gallai’r broblem fynd yn waeth os bydd gwledydd Prydain yn gadael yr Undeb Ewropeaidd. Mae Ifan Lloyd yn dweud y bydd angen mwy o filfeddygon, nid llai, ac y gallai Brexit arwain at fwy o beryg gan glefydau newydd.

Gan ddyfynnu o gofrestr Coleg Brenhinol y Milfeddygon, mae Ifan Lloyd yn dweud bod bron i 1,200 o filfeddygon yn gweithio yng Nghymru a bod 20% ohonyn nhw yn dod o wledydd tramor sy’n perthyn i’r Undeb Ewropeaidd.

“Ar draws gwledydd Prydain yn gyfan gwbl mae tua 50% o’r milfeddygon sy’n cael eu cofrestru o’r newydd bob blwyddyn yn dod o’r tu allan, gyda’r rhan fwya’ o’r Undeb Ewropeaidd.”

Milfeddygon mewn lladd-dai

Mewn lladd-dai mae milfeddygon yn bresennol i archwilio’r cig rhag haint a rhoi tystysgrif gyda stamp arno sy’n datgan fod y cig yn ffit i’w fwyta ac yn saff i fynd i mewn i’r gadwyn fwyd.

Ac yn ôl Ifan Lloyd, mae “milfeddygon sy’n gweithio mewn lladd-dai a gweithfeydd prosesu bwyd ac ati, mae’r ganran fwya’ ohonyn nhw’n dod o wledydd yr Undeb Ewropeaidd…

“Mae rôl hanfodol gan filfeddygon ar iechyd y cyhoedd a diogelwch y bwyd  rydych chi a fi yn ei fwyta ac sy’n dod o anifeiliaid.”

Mwy gan y milfeddyg yn rhifyn wythnos yma o gylchgrawn Golwg.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.