RSS

Golwg360

MwyCau 

Hylendid bwyd – rheolau newydd i siopau tecawê

Tachwedd 28, 2016 09:52 Diweddarwyd Tachwedd 29, 2016 10:15


Llun: Llywodraeth Cymru
Mae rheolau newydd yn dod i rym heddiw sy’n golygu fod yn rhaid i siopau tecawê sy’n gwerthu dros y ffôn neu ar-lein ddangos eu sgôr hylendid bwyd ar unrhyw daflen neu fwydlen.

Mae’n rhaid i’r daflen sy’n cyfeirio cwsmeriaid at wybodaeth i archebu’r bwyd gynnwys datganiad dwyieithog sy’n eu hannog i edrych ar eu sgôr ar wefan sgorio hylendid bwyd.

Daw hyn dair blynedd wedi i’r Ddeddf Sgorio Hylendid Bwyd (Cymru) ddod i rym yn 2013 gan orfodi pob busnes bwyd i arddangos eu sgoriau yn gyhoeddus ar eu safleoedd.

‘Diogelu cwsmeriaid ymhellach’

Mae’r ffigurau diweddaraf yn dangos bod mwy na 94% o fusnesau bwyd yng Nghymru bellach â sgôr ‘boddhaol’ a 62.5% o fusnesau bwyd Cymru â’r sgôr uchaf.

“Diben y rheolau newydd sy’n dod i rym heddiw yw diogelu ymhellach gwsmeriaid sy’n archebu bwyd dros y ffôn, neu ar-lein, na chânt y cyfle i weld y sgôr ar arddangos yn y safle drostynt eu hunain cyn archebu,” meddai Rebecca Evans, Gweinidog Iechyd y Cyhoedd a Gwasanaethau Cymdeithasol Llywodraeth Cymru.

“Bydd arddangos y datganiad ar daflenni’n annog cwsmeriaid i edrych ar y sgôr ar-lein neu ofyn i’r busnes tecawê am ei sgôr dros y ffôn cyn archebu.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.