RSS

Golwg360

MwyCau 

Seren Michelin i ddau fwyty arall yng Nghymru

Hydref 3, 2016 14:58


James Sommerin yn derbyn ei seren Michelin (Llun o wefan James Sommerin)
Mae dau fwyty newydd wedi derbyn seren Michelin wrth i’r rhestr ar gyfer 2017 gael ei chyhoeddi heddiw.

Y bwytai diweddaraf i dderbyn seren Michelin yw Sosban & The Old Butchers ym Mhorthaethwy, Ynys Môn a James Sommerin ym Mhenarth Bro Morgannwg.

Mewn neges ar ei wefan, dywedodd James Sommerin: “Dw i wir ddim yn gallu credu beth sydd wedi digwydd heddiw, ac mae’n anodd iawn i’w gyfleu mewn geiriau ond dyma wireddu breuddwyd imi.”

Mae yntau a’i deulu wedi rhedeg y bwyty ynghyd â darparu ystafelloedd gwely ym Mhenarth ers 2014.

Dyma’r ail seren Michelin iddo ei hennill, wedi iddo gael y gyntaf rhwng 2007 a 2013 pan oedd yn brif gogydd yn y Crown ger Trefynwy.

Mae’r ddau fwyty yma’n ychwanegol at bum bwyty arall o Gymru sydd wedi dal eu gafael ar y rhestr, sef Walnut Tree, Y Fenni; Tyddyn Llan, Llandrillo; Ynyshir, Machynlleth; The Whitebrook, Trefynwy; a The Checkers, Trefaldwyn.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.