Trethi – y sgandal anferth

 
Y Frenhines mewn het

Y Frenhines

Llun: Skjeejix CCA 2.0

Blog bach ar ôl cinio gan Dylan Iorwerth

Efo’r sylw’n ddealladwy ar farwolaeth Carl Sargeant, mae yna beryg i ni anghofio am y stori fawr arall – y sgandal osgoi trethi.

Mae yna fawrion – o’r Frenhines i actorion comedi, o bencampwyr chwaraeon cyfoethog iawn i gwmnïau anferth rhyngwladol wedi cael eu dal yn osgoi talu trethi.

Ffordd arall o ddweud hynny ydi eu bod nhw wedi cael eu dal yn dwyn oddi arnon ni, yn tlodi ein gwasanaethau cyhoeddus ni ac yn gwrthod cymryd eu cyfrifoldeb teg.

Mae’r esgusodion yn dweud cyfrolau.

Dyw’r Frenhines a’r Tywysog Charles ddim yn gyfrifol am eu materion ariannol eu hunain – ymgynghorwyr sy’n penderfynu. Ond mi all y Teulu Brenhinol roi cyfarwyddiadau a dyma ddylai un o’r rheiny fod: sicrhewch ein bod ni’n talu pob treth heb drio osgoi.

Allwn ni, bobol gyffredin, ddim osgoi cyfrifoldeb at gyfraith trwy esgus nad oedden ni’n gwybod neu nad oedden ni’n gyfrifol.

(Mae yna gwestiwn, wrth gwrs, pam y dylai’r Teulu Brenhinol gael cymaint o gyfoeth personol beth bynnag gan mai wedi ei gymryd oddi ar y cyhoedd tros y canrifoedd y mae’r rhan fwya’ ohono.)

Esgus yr unigolion eraill, eu cyfrifwyr a’r cwmnïau mawr, rhyngwladol, ydi fod eu holl weithredoedd yn gyfreithlon. Ydyn, wrth gwrs, achos mae’r cyfreithiau wedi eu llunio er mwyn rhoi mantais i bobol fel nhw.

Mewn cyfnod pan mae pobol wirioneddol dlawd yn diodde’ oherwydd newidiadau mewn budd-daliadau, mi ddylai sgandal fel hyn danio pobol … nid i daro’n wyllt yn erbyn y drefn ond i dargedu eu dicter, at y system sy’n caniatáu i bethau fel hyn ddigwydd a’r bobol sy’n manteisio.

Cam-ddefnydd arall o rym ydi hwn, cam-ddefnydd o rym ariannol. Papurau Paradwys. Paradwys i rai.

Tydi gofyn i’r osgowyr treth ymddiheuro ddim yn ddigon chwaith – gormod o ymddiheuro sydd y dyddiau yma a dim digon o osgoi gwneud cam yn y lle cynta’.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd